Mediantrop

object349757056

Mediantrop broj 13

Bishaipa shaj ovel shajipa

Nedjo OsmanNedjo OsmanPhalo but bersha e Zorica Jevremovic Munitic vazdingja telefoni mange vi dingja man godi ano nesavore lache divesa, bersha vi bibisterdi vrjama, vi dingjman jekh komplimento sar sakova drom: "Nedjo amala panda si sar angleder,panda sijan majlacho Rom. Puchljaman kamavli the hramosarav lakere neve gazetake "Mediantrop", vi sikavav kanchi mere djivdipastar vi karijeratar.

Uzo si kana konik delpe godi nekaske pali dlgo vrjama, kana palo sa so djivdisardem, kana ulavdilem jekh jekestar, vi cidingjam ano nesave neve drumora, kote so arakljam nesave neve amalen, manushen, vi kodjanla save situacijende avas, the shaj djidvdisaras e vrjama savete sijam vi savi denamen.

Va, motovgjum ka hramosarav, phal sine man kanchi zor, si nesave manusha save chi kamen the motoven ple djivdipastar,sar me. Kobor si chachuno kanchi the motoves, a the ovel chichipe goleste, emocije the sikave,the ove nesavo drom patetichno, vi the ove zoralo the tasave tut ani utopija.The puchestut kobor si lacho e shukar vi bilacho te dhidvdipastar vi to suno the puchare. Sili lacheste the ovav striptizeri a konik the na astarelman.

Miri avgo tema ka ovel e Rom vi miro suno.

Daj Ramiza i dat RamizDaj Ramiza i dat RamizDjividisardem vi barilem ani jekh Romani familija, e manush savo kerdaman sine partizani, ano agor e maribase pendjarda eke romane romnja vi lasa prandogjapes, phal gova kergja pli tikni cheta, shtare manushenca,me sijum sine e paluno. Djivdisara sine ani jekh Romani mahala, pendjardi phalo anav TOPAANA ano foro Skopije, ani vrjama e lachi Jugoslavija.

Va, ani Romani mahala, ja sar nesave motoven ani HEV (silen hako kaj si hev,gijalte vi prepel)Ani goja mahala naklem e majlachi vrjama,sa dji mire panch bersh, bibahtake na sine dlgo.Sine amen tikokoro kher vi jekh tikokori macka palo alav Esmeralda , ni djanav soske sine ola gova anav.Miro dat kerel sine buti sar Masino Bravari ani Jugoslovenska Zeleznica,lacharel sine e makine.Thari biti anel sine amenge tud sakova dives, me vi miro phral daja sine amaro tud e Esmeraldake.

Miro dat, amaro garavipa djanel sine, pal sa jekh, phali nesavi vrjama sine holjame soske amen daja amaro tud e Esmeraldake. Palo gova amen e garavipa ulavgjam, me dav sine e tud e machkake, a miro phral prio tud mange.

Daj i NeđoDaj i NeđoMiri daj kerel sine buti ano Makedonsko Teatro ano Skopije, voj kosel sine ano teatar, phal goja biti the ovel tud ano goja vrjama, sine privilegija. 1963 bersh ano Skopije sine e baro zerdeles, peravdile but kera, but manusa nasaldile vi mudardile. Phal gova amen sem sine musaj the muka e Romani mahala, soske pelo vi amaro kerh. Amen sem sine musaj the nakas ani aver rik e Vardareske, ja foroske,ani rik kote so beshen sal Gadje Makeodncora.

Mlo dat tari Zeleznica dingje ole nevo kher,sine amen tri sobe, vi kupatilo slushalkasa, Miro papu gndil sine kaj si gova telefoni, sa dji diklja kaj tavdel pani taro gova telefoni, a na krlora. Sa gava so motovav si pozitivno, phal dji ni iklilem ano drom vi sa dji ni cidingjem ani skola, phal gova reslo e chacipa. E dar si avgo abeceda, avgo kotor so sakova Romano chavo sikljovel. Upro miri misal shaj sikav so ovel ani skola sakole chaveske ano djivdipa.Sar chavo ani Makedonija sine man ekstra statuto ani tikokori skola.Gova phenel , miro avgo pendjaripa kaj sem Cigan vi kaj me najsem sar okola chave , siklilem taro mire amala ani goja tikokori skola. Besav sine ani agoruni klupa,konik manca na kerel sine vorba, kana huljas sine ani skola ki kolona, me sem sine korkoro,ani avlin manca konik ni kelel sine mire amala. So si majchachno ani gaja miri paramicin, kaj mle amala giljaven sine mange jekh biladjavni gilji, voj penel sine: "Cigo Ligo hal e djuva sar e maro" Gijalte man pendjardem kaj sem Cigan, a na Rom, vi kaj naj sem jekh sar okola chave.

Jekh dives puchljum mire daja sos si gova Cigan? Ni motovgja mange, ja sal e tema irangja ano aver, a me dade chi shaj sine puchav soske sine man dar. Ani skola kote so djav sine nasine avera Romane chave, ja sal mire phrala, von motovgje mange kaj e Gadje penen amenge kaj amen sem Cigan,phal amen naj sem Cigan, ja sem Roma , phal amen sem musaj the ova Cigan soske gijalte e gadje kamen. Sine mange pareste the haljovav, kaj amen sem Cigan, ama amen sem Roma,phal amen musaj the ovas Cigan. Kaj motova man Cigan avgo drom sikljiljum,vi sa gova sine sakova drom popareste vi sine sa pobuter, sar djala sine e vrjama.

Musaj sem sine the djanav pobuter taro avera the shaj djav ano aver bersh ani skola. Gola bersha sine mange majpareste, vi sine mange taro chachipa kaj me sem musaj te arakav jekh lachi strategija mamuj gova peravipa, sar the achav ani skola, vi sar achav normalno. E skola sine tharo chachipa , miro dat penel sine kaj sem musaj the dja ani skola vi kaj sem musaj jekh dive ova zanatlije , soske sal gijalte saj ova upre sar vi e amal Tito. Phal bibahatake amen gova chi uljam, soske agorisargjam avera skole,jekh phral ulo profesori,jekh tehnichari vi me aktori. Va, gova kamav the motovav tumenge taro miro suno, sar vov cidingja vi kaj e bichaipa shaj ovel shajipa.

AkademijaAkademijaMiro suno the ovav aktori, cidingja kana resljum ano Makedonsko tetaro, kote so miri daj kerel sine buti. Miri daj lel sine man lasa ani buti soske chi shaj sine kere mukel man korkoro, man sine man sal trin bersh. Ano gola sobe kote so kiden pes e djuvlja save kosen ano Teataro mukel sine man the adjarav ola, a voj sine e soba pashe dji e bina, kote so probin e akotorora vi e baletanora, aver dives miri daj muklja man ani sala kote so kerenpes e probe,sar majbuit ani drama vi balet, miri daj kamel sine e balet. Ani goja sala kote so sine sa karalniko besav sine korkoro, kandav sine kanchi aver sung ,so chi shaj sine bistrav dji avdives. Ote cidingja miro suno,suno savo kamav sine the ovel chachipa, suno savo sine ole plo drom savo inagrel ano bidjandipa, ano gova suno man sineman e sherutni rola,a gova sine sar e "Alisa ano them bidjandipaso".

Po gechi kana bariljum,miro dat kidngja TV, savo sine avgo ani goja Romani mahala, dikav sine but Filmora. Sa gova so dikav sine ano TV vi ano gova dive ,aver dives kamav sine gova the kelav. Sijum sine jekh drom doktori,juristi,artisto,profesori.Gala role den sine man motivacija, kaj jekh dives ka iriv e them romano vi e Romano djidvipa. Phal sine mange chchuno kaj sa gova si sal jekh suno, vi chi shaj ovav doktori ja profesori, soske gola profesije si sal e Gadjenge, a na Romenge, gova chachipa man anel sine dji e bibahat.

Daj Ramiza i NeđoDaj Ramiza i NeđoMiro suno achol sine kana gndiv sine kaj me chi shaj ovav aktori.Ano Tv vi Teatri nasine Roma vi kale sar amen, mange achilo sal the dikav suno, phal na the gdniv kaj shaj gova ovel chachipa. Gova djanipa kaj sem Cigan, vi kaj jekh Rom chi shaj ovel aktori, kaj me sem aver, vi kaj sal e Gadje shaj oven so kamen, sa gova kerel sine mange but pharo the bistrav. Phal jekh Rom savo najle goja kamlin vi motivacija leski si polokeste. Kana cidingjum the djav ano studie, ani Akademija phali drama vas aktori ano foro Novi Sad, me motovdem mange kaj sem musaj the arakav jekh nevi strategija, soske phalem avilem ani goja pendjardi sitacija,ani Akademija me sem sine sal jekhutno Rom studento. Miri strategija sine kajh me sem musaj the penav sakova drom korkoro tharo Roma, sa jekh on puchen man ja na. Sakova javin avav sine ani Akademija romane giljasa " Djelem Djelem" vi kerav sine vorba sal taro Roma, sa jekh puchen man, ja na. Sa gova kergjum the shaj von mate keren vorba taro Roma, vi the shaj ovav lenge bichachno. Phal gova dikelem kaj gova sa, naj nisavo problemi, vi kaj gola amala naj gasava save sine man ani tikni skola.

Gola sitacije save djidvdisardem ano nesave bersha ani tikokori skola,ja nesavi vrjama pobuter na djivdisardem, soske na sine man asavke amala, vi kerav sine buti eke avre niveleste. Sa gava so me tumenge motovgjem nasine goleske so mangjum the sikavav miri biografija djivdipasiri, ja mangjum the sikavav jekh misal, kobor si pareste eke Romane terne manushenske, eke Romeske savo kamel kachi the kerel chchuno ano dhividpa. Kobor si paro eke Romske so naj nesavo baro kapaciteti. Thari aver rik sakova shaj motovel kaj naj sal paro e Romenge, ja sakole manuseske, va shaj gova motovelpe, phal e problemora naj jekh.E problemo Romano si sakova drom popareste ja eke avre biromane manuseske soske djivdil sakova drom ani jekh specijalno situacija, soske si ano jekh potelunto novelo, taro sakova aver manush.

Phrala brava Kemal,Enver,Sami i NeđoPhrala brava Kemal,Enver,Sami i NeđoGolske gova so penl kaj sakova sile prboblemo vov automatski kerel diskiminacija vi rasizmo upro jekh Rom.Gava minioriteto nisavo drom ni kergja maripa,ni mudargja nikas,naperavgjas nikaskre kera,ni hasavel nikas. Goleske the avilo nesavo problemo savo kerel jekh Rom, gova si sal goleske so: Nashtipen si kana konik ni shunel tut, peravipeltut, kana kerel upro tute djungalipa. Nashtipen si kana konik ni penel tuke ov sasto,tu san shukar, tu san lacho, vi tu san jekh sar amen. Shajipen si konik the akusel tut, kurav tire Romane daja, e Romen the mudaren, e Roma the djanipeske ani Indija, e Roma si melale ,choren, hohaven, sa gava si sal nesave vorbe so sakova Rom shunel vi djivdisarel. Gala si sal nesave vorbe save ni muken, save peraven e manusen the oven gogajaver manusha, vi e Rom the ovel jekh sar sakola aver manusa, gala misala si save najlen granice vi than, von si sakote vi sakoleste.

Nedjo Osman

Nedjo OsmanNedjo Osman

Anav

Man tu ni pendjares
djanes sar me akaraman
na gijalte sar tu penes

Me ni kamav goja vorba
tu akares man bizgodi
tu akares, phal chi shaj gndis
tu akares, phal tu naj tut duk
tu akres man Cigan

Tu akares man, a gova dukal man
gova iril mange milja tasvirora
kale sar e thuv
tu akares man Cigan
djanes li so si gova

Neđo OsmanNeđo OsmanTu akares man, phal mudares
mire daja, dades, mire phenja, papus
tu akares man, phal ni shunes e rovipa
Neđo Osmangova del man godi ani bibaht 
gova anel mange dar
kaj shaj irilpe goja vrjama
vi palem asva ratvale the tavden

Ma akar man Cigan
Gypsy,gitan,Zitan
ma akarman sar man dukal
akarman sar me kamav

Djanes sar me kamav
Rom, Sinto, Kako, Manus
sar e chiriklo so ujral
sar e gili so shunes
sare sansiriba
sar gova so tut situt
a me sal ano suno dikav

Neđo Osman

PRETHODNI BROJ: MEDIANTROP BROJ 12